د هیواد ویلچر باسکېټبال ملي لوبډلې د پارالمپیک آسیا جام مقدماتي سیالیو په خپله پنځمه لوبه کې عربي امارتو ته ماتې ورکړه
د افغانستان د ویلچر باسکېټبال ملي لوبډلې د پارالمپیک آسیا جام د مقدماتي سیالیو په لړ کې د خپلې پنځمې لوبې پر مهال د عربي محتده اماراتو هیواد ملي لوبډلې ته ۷۰- ۵۷ ګولونو په توپیر ماتې ورکړه.
د پارالمپک آسیا جام مقدماتي سیالۍ دا مهال د ټایلنډ هېواد په کوربتوب د نهو اسیایي هیوادونو ترمنځ روانې دي، چې افغان لوبډلې پکې پرلپسې پنځه لوبې ګټلې دي.
افغان لوبډلې تر دې وړاندې د کويټ، هانګکانګ، فلیپین او چینتایپه هیوادونو ملي لوبډلو ته هم ماتې ورکړې وه، چې په دې سره یې د دې جام پایلوبې ته د لار موندنې ترڅنګ د اسیایي پارالمپیک سیالیو ته هم لار وموندله.
افغان لوبډله به سبا خپله وروستۍ یا هم د اسیا جام مقدماتي سیالیو فاینل لوبه د کویټ هیواد پر وړاندې ترسره کړي.
