د هیواد د سنوکر ملي لوبغاړي له یوه بریالي سفر وروسته هېود ته راستانه شول
د بدني روزنې او ورزش عمومي ریاست اړوند سنوکر ملي فدراسیون ملي لوبغاړي له یوه بریالي سفر وروسته هیواد ته له درېیم مقام سره راستانه شول.
د سنوکر دغه نړيوالې سیالۍ په قطر هیواد کې ترسره شوې او له ۲۴ هیوادونو څخه پکې ۶۹ ورزشکارانو ګډون کړی و، چې په پایله کې افغان ورزشکارانو په ټیمي بخش کې انګلستان، ایرلنډ او ماراتو ته په ماتې ورکولو سره درېیم مقام ترلاسه او د برنزو مډال یې خپل کړ.
د یادونې وړ ده، چې افغانستان د یادو سیالیو په ټيمي بخش کې د درېیم مقام ترڅنګ د نړۍ په څلورو بهترینو لوبډلو کې ثبت شو او په انفرادي بخش کې یې کومه لاسته راوړنه نه ده لرلې.
