د هرات په مرکز کې د ۴۵ ورزشکارانو ترمنځ د جمناسټیک دوستانه سیالۍ ترسره شوې
د هرات ولایت د ورزش ریاست په مرسته د ۱۰کلبونو د ۴۵وزرشکارانو ترمنځ د افغانستان د جمناسټیک ملي فدراسیون رئیس عبدالبجار هوتک له کړنو څخه د ستاینې په موخه د دې ولایت د ورزش ریاست په مرکزي کلب کې د جمناسټیک دوستانه سیالۍ ترسره شوې.
په دغو سیالیو کې د هرات د ورزش ریاست او جمناسټیک فدراسیون مسوولینو، روزونکو او ورزشکارانو شتون درلود.
په پای کې د هرات د ورزش ریاست مسوولینو له لوري غوره ورزشکارانو ته مډالونه او تقدیرنامې ورکړل شوې.
