د هرات مرکز کې د ۸۰ ورزشکارانو ترمنځ د موی تای سیالۍ ترسره شوې
د هرات ولایت د بدني روزنې او ورزش ریاست اړوند د موی تای ملي فدراسیون د استازولۍ له لوري د یاد ولایت په مرکز کې د ۸۰ ورزشکارانو ترمنځ د نویو ځوانانو، ځوانانو، او د مشرانو ورزشکارانو په عمري کټګوریو کې د موی تای سیالۍ ترسره شوې.
دغه سیالۍ، چې د تک فایټ په ډول ترسره شوې، په پایله کې ۴۰ ورزشکارانو خپلو سیالانو ته په ماتې ورکولو سره د اتلولۍ او لومړي مقامونه ترلاسه کړل.
د یادو سیالیو موخه د هرات ولایت د موی تای منتخبو سیالیو ته د غوره لوبغاړو موندل و، چې یوه ورځ یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
