د هرات مرکز کې د ۳۵ چاپندازانو ترمنځ د وزلوبې سيالۍ وشوې
د هرات ولايت د بدني روزنې او ورزش رياست اړوند د وزلوبې، نېزه وهنې او دوديزو لوبو ملي فدراسيون د استازولۍ له لوري د ياد ولايت په مرکز د ۱۴۰۴ کال د ختمېدو په مناسبت له مرکز او ولسواليو څخه د ۳۵ چاپندازانو ترمنځ د وزلوبې سيالۍ وشوې، چې يوه ورځ يې دوام وکړ.
د دغو سياليو په پایله کې يو اخراولاق د شهرام پهلوان له لوري ترسره شو او همدارنګه شهرام پهلوان د ۱۴۰۴ کال د اتل لقب خپل کړ.
د يادو سياليو موخه د هرات ولايت د ۱۴۰۴ کال د غوره چاپنداز پېژندل و، د سياليو په پای کې غوره چاپندازانو ته چمتو شوې ډالۍ ورکړل شوې.
