د نابینانو کرېکټ مشر د هېواد د ورزش ادارې له فني او مسلکي مرستیال سره وکتل
د المپیک، بدني روزنې او ورزش ریاست فني او مسلکي مرستیال حافظ احمد جان ځدران د نابنیانو کرېکټ مشر احسان الله صمیم او لوبغاړو سره خپل کاري دفتر کې وکتل.
په دغه لېدنه کې د ورزش ادارې مرستیال د نابینایانو کرېکټ ملي لوبډلې وروستۍ لاسته راوړنې وستایلې او زیاته یې کړه چې د ورزش اداره یې کلک ملاتړ کوي او هڅه کوي چې د دوی لپاره لکه د نورو ورزشونو لازمې اسانتیاوې برابر کړي.
دغه راز د نابنیانو کرېکټ لوبډلې مشر د هېواد ورزش ادارې له ملاتړه خوښي څرګنده کړه او زیاته یې کړه چې نابینایي عیب نه دی.
