د غزني په مالستان ولسوالۍ کې د فوټسال ژمنۍ سیالۍ د شیران شاهین لوبډلې په اتلولۍ پای ته ورسېدې
د غزني په مالستان ولسوالۍ کې د فوټسال ژمنۍ دا سیالی چې څه موده وړاندې د یاد ولایت د بدني روزنې او ورزش امریت په ملاتړ د فوټبال فدراسیون له خوا د مالستان په سبزک لوبغالي کې د یووالي په نوم پیل شوې وې د شیران شاهین لوبډلې په بریا پای ته ورسېدې.
په دې سیالیو کې چې ۸ لوبډلو ګډون درلود پایلوبې ته یې د « شیران شاهین او ازادي بلوغو» لوبډلو لار ومونده چې د « ۱ – ۰ » پایله سره د شاهین په اتلولۍ او ازادي لوبډلې په دویم مقام پای ته ورسېدې.
د یادو سیالیو موخه د ځوانانو هڅول، یووالی او د ورزشکارانو تر منځ همغږي او د تجربو شریکول و.
د پای په مراسمو کې ګټونکې لوبډلې ته کپ او غوره لوبغاړو ته مډالونه او نورې ډالۍ ورکړل شوې.
