د غزني مرکز کې د ۷۰ ورزشکارانو ترمنځ د سکيټ سيالۍ ترسره شوې
د غزني ولايت د بدني روزنې او ورزش امريت اړوند د سکيټ ملي فدراسیون د استازولۍ له لوري د ياد ولايت په مرکز کې له پکتيا، خوست او غزني ولايتونو د ۷۰ ورزشکارانو ترمنځ د سکيټ سيالۍ ترسره شوې، چې يوه ورځ يې دوام وکړ.
د دغو سياليو په پايله کې د غزني ولايت A ګروپ لوبډلې د زياتو امتيازانو په ترلاسه کولو لومړی او د غزني ولايت B ګروپ لوبډلې بيا دويم مقام خپل کړ.
د يادو سياليو موخه د سکيټ ورزش ته وده ورکول او د ورزشکارانو هڅول و، د سياليو په پای کې د روشن مخابراتي شرکت او د سکيټ فدراسيون د مسوولينو له لوري غوره ورزشکارانو ته چمتو شوې ډالۍ ورکړل شوې.
