د سنوکر افغان لوبغاړي صالح محمد محمدي د کويټ، بحرين او سکاټلنډ سيالانو ته ماته ورکړه او حذفي پړاو ته ووت
د افغانستان د سنوکر ملي لوبډلې لوبغاړي صالح محمد محمدي د سنوکر اتلولۍ د شپږ بالونو برخه کې خپل کويټې سيال ته د ۴ - ۱ نمرو، بحريني سيال ۴ - ۰ او سکاتلندي سيال ته د ۴ - ۳ نمرو په توپير ماته ورکړه او حذفي پړاو ته ووت.
دغه سیالۍ د ماسټر او شپږ بالونو په دوه جلا برخو کې ترسره کېږي، چې د افغانستان په استازولۍ له لویانو څخه صالح محمد محمدي او له نویو ځوانانو څخه احمد نعمان نعمان پکې ګډون لري.
یادې سیالۍ د ۲۵ هېوادونو په ګډون د روانې میلادي میاشتې پر ۱۳مه د بحرین هېواد په کوربهتوب په مانامه ښار کې پیل شوي او د همدې میاشتې تر ۲۵مې نېټې به دوام وکړي
