د جودو او جوجتسو لوبډلې په اسیایی سیالیو کې د ګډون په موخه بحرین ته روانې شوې
د جودو او جوجتسو درې کسیزه لوبډلې، چې هره لوبډله کې دوه لوبغاړي او یو روزونکی شامل دی، له ۱۷ کلونو کم عمره اسیايي سیالیو کې د ګډون په موخه بحرین هېواد ته روانې شوې.
دغه لوبډلې د ورزش ادارې د عمومي رئیس مولوي احمد الله وثيق او د دغې ادارې فني او مسلکي مرستیال حافظ احمد جان ځدراڼ او رهبري سره تر لیدو او خدای پامانۍ وروسته بحرین هېواد ته روانې شوې.
یادې سیالۍ په ۲۷ ورزشي رشتو کې ترسره کېږي، چې د افغانستان په استازیتوب ۵۰ ورزشکاران او ورسره پلاوي په ۸ ورزشي رشتو کې سیالۍ کوي.
د ویلو ده، چې د نویو ځوانانو درېیم پړاو اسیایي سیالۍ د بحرین په کوربهتوب د ۴۵ هېوادنونو په ګډون د روانې میلادي میاشتې پر ۲۲مه پیل شوي او تر ۳۱مې نېټې به دوام وکړي.
