د جسمي وړتیاوو د لوړولو په موخه په آلمان کې د یو افغان مهاجر سخت تمرینونه
د ځغاستې ملي لوبغاړی سید جلال جیلاني په آلمان کې له آلماني روزونکي سره خپل فراخ تمرینونه پیل کړي.
تمه ده د ۲۰۲۲م کال د جنوري په ۲۲مه نېټه د آلمان په ژمنیو سیالیو کې له ۱۲ هېوادونو څخه د خپلو سیالانو په وړاندې سیالي کوي.
دا سیالۍ به دریو برخو (د ډېسک اچول، پنډوسکی اچول، نېزه اچول) کې ترسره شي.
د ښاغلي جیلاني روزونکی ''اندری وورنارد'' وایي سیدجلال د راتلونکو سیالو لپاره ښې د آماده ګۍ ډاډ ورکوي، تمرینات یې په ښه ډول روان دي او تمه لرم چې د سیالیو په ورځو کې به هم له ځانه ښه وړتیا وښیي او ښه پایله به ترلاسه کړي.
د ځغاستې یاد ملي لوبغاړی د ۱۰۰متره، ۴۰۰متره، ۱۵۰۰متره، له موانعو سره ۱۱۰، ځغاستې او همدارنګه لیرې ټوپ، لوړ ټوپ، په لرګي باندې الوت، د پنډوسګي نېزې او ډیسک غورځولو د برخو په سیالیو کې ګډون کړی.
جلال ۲۰۲۱ کال کې د آلمان د ځغاستې د غوره لوبغاړي په نوم نومول شوی او د یادونې وړ ده چې نوموړی د المپیک ۲۰۲۴ کال سیالیو ته هم نوماند دی.
