د تسلیت او غمرازۍ پېغام
د تسلیت او غمرازۍ پېغام
انا لله و انا الیه راجعون
په ډېرې خواشینۍ سره مو خبر ترلاسه کړ، چې د افغانستان د پاورلفټنګ او مردان اهنین فدراسیون رئیس نجیب الله ایوبي له فاني نړۍ څخه سترګې پټې کړې دي او د ابد په لور وکوچېد.
مرحوم ایوبي په خپل وخت کې پیاوړی ورزشکار او قهرمان و او هم یې د ژوند تر پایه پورې د هیواد د ورزش لپاره خدمت ته ادامه ورکړه. د افغانستان د ورزش ادارې مشرتابه د نوموړي مړینه د ټول هیواد ، په ځانګړي ډول د ورزش کورنۍ لپاره ستره ضایع ګڼي او هغه د افغانستان د ورزش په تاریخ کې یو نه هېرېدونکی څېره بولي، چې یاد به یې د هیوادوالو او ورزشکارانو په زړونو کې تلپاتې وي.
د افغانستان د المپیک، بدني روزنې او سپورټ عمومي ریاست مشرتابه
