د تخار په دشت قلعه ولسوالۍ کې د ووشو سیالۍ ترسره شوې
د تخار ولایت په دشت قلعه ولسوالۍ کې د ماورای کوکچه ولسوالیو او د تخار مرکز د لوبډلو د ۵۰ تنو ورزشکارانو ترمنځ د ووشو سیالۍ ترسره شوې.
دغه سیالۍ چې د تخار ولایت د بدني رونې او سپورټ آمریت او ووشو فدراسیون د تخار څانګې په همغږۍ د ځوانانو او لویانو په دوو عمري ډلبندیو کې پیل شوې وې، د ینګي قلعه لوبډلې په لومړي، د سلطاني دویم او خراسان لوبډلې په درېیم مقام ګټلو سره پای ته ورسیدې.
په پای کې د مسؤلینو له لوري غوره لوبډلو او لوبغاړو ته کپونه، مډالونه او د اتلولۍ سندونه ورکړل شول.
د دغو سیالیو د ترسره کولو موخه په ولسوالیو کې د ووشو ورزش ته وده ورکول دي او دغه بهیر د کلني پلان له مخې په ولسوالیو کې دوام لري.
