د بدخشان په مرکز فيض اباد ښار کې د بايسکل ځغلونې سيالۍ ترسره شوې
د بدخشان ولایت د ورزش امريت په نوښت د لوى اختر په نوم نن جمعه د چنګاښ په ٣٠مه د بايسکل ځغلونې سيالۍ ترسره شوې.
په دغو سياليو کې د بدخشان مرکز او ولسواليو ٣٠ تنو ورزشکارانو ګډون درلود.
په دغو سياليو کې ګډون کوونکو ورزشکارانو د فيض اباد ښار له دخولي دروازې څخه تر حاجي عبدالقدير څلور لارې پورې د ٢٠ کيلو متره واټن لاره ووهله.
د يادو سياليو موخه ورزش ته د ځوانانو هڅول دي.
په پاى کې رحمت الله خاکسار لومړى، مهدي بهروز دويم او سعيد سعادت درېيم مقام خپل کړ.
