د افغانستان فوټسال ملي لوبډلې د (NSDF) څلور اړخيزو فوټسال سياليو په لړ کې خپله درېيمه سيالي تايلنډي لوبډلې ته د ۳_۲ ګولونو په توپير بايلوده
د افغانستان فوټسال ملي لوبډلې، د نړيوالو څلور اړخيزو سياليو په لړ کې د استراليايۍ لوبډلې له بريا وروسته نن خپله درېيمه سيالي له تايلنډ هيواد سره ترسره کړه او په پايله کې يې خپلې سيالې ټايلنډۍ لوبډلې ته د ۳_۲ ګولونو په توپير ماتې ومنله.
د ويلو ده چې افغان لوبډلې تر دې وړاندې خپله لومړۍ سيالي له ماليزيا سره مساوي پای ته ورسوله او په دويمه سيالۍ کې يې استرالیايۍ لوبډلې ته د ۴/۵ ګولونو په توپير ماتې ورکړه.
دغه سيالۍ د اسيايي سياليو د چمتووالي لپاره، چې پکې افغانستان، تايلند، استراليا، او ماليزيا هيوادونو ګډون کړی دی، د ټايلنډ هيواد په کوربتوب ترسره کېږي.
تمه ده چې د اسيا ملتونو د فوټسال نړيوالې سيالۍ د تايلنډ هيواد په بانکوک ښار کې، د اپرېل مياشتې له ۱۷ څخه تر ۲۸ پورې ترسره شي، چې افغانستان به د لومړي ځل لپاره په دغو سياليو کې ګډون ولري.
