د افغانستان د کرکټ نولس کلنه ملي لوبډله نن دوشنبه خپله لومړۍ سیالي د بنګلدېش له نولس کلنې لوبډلې سره ترسره کوي
د افغانستان کرکټ بورډ پرون په یوه ټویټ کې څرګنده کړې وه، چې د افغانستان د کرکټ ۱۹کلنه ملي لوبډله به خپله لومړۍ سیالي سبا سهار ۹:۳۰ بجې د بنګلدېش له لوبډلې سره د ابوظبۍ ښار په تولیزنس لوبغالي کې ترسره کړي.
د دغه بورډ په وینا، د افغانستان او بنګلدېش نولس کلنې لوبډلې به بله لوبه د راتلونکې چهارشنبې په ورځ ، چې د مارچ میاشتې له ۱۵مې سره سمون خوري یو ورځنۍ سیالي ترسره کړي.
د افغانستان او بنګلدېش د یو ورځنیو سیالیو په دوام به د افغانستان، بنګلدېش او سریلانکا هیوادونو د کرکټ نولس کلنې ملي لوبډلې د مارچ میاشتې له ۱۸مې نېټې څخه تر ۳۰مې نېټې پورې، په متحده عربي اماراتو ابوظبۍ ښار کې درې اړخیزې سیالۍ وکړي.
