دایکندي کې د ۱۷ کلنو کم عمره ۱۳ لوبډلو ترمنځ فوټسال سیالۍ پیل شوې
د دایکندي ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت مرکز نیلي ښار کې د لوی اختر جام په نوم د ۱۷ کلنو کم عمره ۱۳ لوبډلو ترمنځ د فوټسال سیالۍ پیل شوې.
د یادو سیالیو لومړۍ لوبه کې ستارګان لوبډلې د ۴ پر ۳ ګولونو په توپیر خپلې سیالې آزادي لوبډلې ته ماتې ورکړه او د دغو سیالیو لومړۍ بریا یې په خپل نوم ثبت کړه.
د دغو سیالیو موخه فوټسال ته د ځوانانو هڅول او د دغې ورزشي رشتې وده ښودل شوې ده، چې دوې اوونۍ به دوام وکړي.
