دایکندي؛ کجران ولسوالۍ کې د ۵۴ ورزشکارانو ترمنځ د ځغاستې سیالۍ وشوې
د دايکندي ولايت د بدني روزنې او ورزش امريت اړوند د اتلتيک ملي فدراسيون د استازولۍ له لوري د ياد ولايت د کجران ولسوالۍ په دروانه سيمه کې د ۵۴ ورزشکارانو ترمنځ د ځغاستې سیالۍ وشوې.
دغه سيالۍ د نویو ځوانانو په عمري کټګورۍ کې ترسره شوې، چې په پايله کې ظاهر لومړی، الیاس دويم او نورالله بیا درېيم مقام خپل کړ.
د يادو سياليو موخه د ځغاستې ورزش ته د ځوانانو هڅول او سالمه تفرېح برابرول و، چې يوه ورځ يې دوام وکړ.
