دایکندي؛ سنګ تخت بندر ولسوالۍ کې د ۱۰ لوبډلو ترمنځ د واليبال سيالۍ پيل شوې
د دايکندي ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په سنګ تخت بندر ولسوالۍ کې له نشه يي توکو د مخنيوي مبارزې جام په نوم د ۱۰ لوبډلو ترمنځ د واليبال سيالۍ پيل شوې.
د دغو سياليو په لومړۍ لوبه کې سفيدبيد لوبډلې خپلې سیالې شاهين لوبډلې ته د ۳/۱ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه له نشه يي توکو څخه د ځوانانو لېري والی او د واليبال لوبو ته وده ورکول دي، چې يوه اونۍ به دوام وکړي.
