دایکندي؛ اتحاد لوبډلې د میرامور ولسولۍ د والیبال سیالیو اتلولي وګټله
د دایکندي ولایت د ورزش امریت په مرسته د والیبال فدراسیون د استازولۍ له لوري د دې ولایت په میرامور ولسوالۍ کې د والیبال استقلال جام سیالۍ چې دوې اوونۍ وړاندې د ۱۱ لوبډلو ترمنځ پيل شوې وې، د بازار جوز اتحاد لوبډلې په اتلولۍ پای ته ورسېدې.
د دغو سیالیو پایلوبه د اتحاد میرامور پاین او بازار جوز اتحاد لوبډلو ترمنځ شوه، چې د بازار جوز اتحاد لوبډلې د ۳-۰ میدانونو په توپیر خپل سیال ته ماتې ورکړه او د دې سیالیو اتلولي یې خپله کړه.
په پای کې ګتونکو لوبډلو ته کپ، مډالونه او تقدیرنامې هم ورکړل شول.
