دایکندي؛ سنګ تخت بندر ولسوالۍ کې د ۱۰ لوبډلو ترمنځ د فوټسال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په سنګ تخت بندر ولسوالۍ کې د ۱۰ لوبډلو ترمنځ د یووالي جام په نوم د فوټسال سیالۍ د استقامت لوبډلې په اتلولۍ پای ته ورسېدې.
د دغو سیالیو په پایلوبه کې د استقامت لوبډلې خپلې سیالې سیمرغ مرکز بندر لوبډلې ته د ۳/۱ ګولونو په توپير ماتې ورکړه او اتلولي یې په خپل نوم کړه.
د یادو سیالیو موخه د فوټسال ورزش ته وده ورکول و.
د سیالیو په پای کې غوره ورزشکارانو ته چمتو شوې ډالۍ ورکړل شوې.
