خوست کې د ٣٠ لوبډلو ترمنځ د فوټبال سیالۍ پای ته ورسېدې
د خوست ولایت د بدني روزنې او ورزش آمریت اړوند د فوټبال فدراسیون د استازولي له لوري د ياد ولايت په شيخ امیر سیمه کې د ٣٠ لوبډلو ترمنځ د فوټبال سیالۍ د کنډیو لوبډلې په اتلولي پای ته ورسېدې.
د یادو سیالیو پایلوبه د ګربز سرحدي او کنډیو لوبډلو ترمنځ ترسره شوه، چې په پایله کې یې کنډیو لوبډلې د ٤/٣ ګولونو په توپیر خپلې سیالې لوبډلې ته ماتې ورکړه او اتلولي یې خپله کړه.
دا سیالۍ ورزش ته د ځوانانو د هڅولو په موخه ترسره شوې، چې یوه نیمه میاشت یې دوام وکړ او په پای کې غوره لوبغاړو ته مډالونه، ستاینلیکونه او نورې ډالۍ ورکړل شوې.
