خوست کې د هاکي ټاکنیزې سیالۍ وشوې
د خوست ولايت د بدني روزنې او ورزش آمريت په همغږۍ، د هاکي فدراسيون د استازولۍ له لوري او د دې ولايت د ښاروالۍ رياست په مالي لگښت د اداري کمپلکس اړوند جمنازيوم کې د لسو لوبډلو ترمنځ د هاکي ټاکنیزې سیالۍ وشوې.
د يادو سياليو په پايلوبه کې خوست مقام لوبډلې خپلې سيالې ښاروالۍ رياست لوبډلې ته د ۵ پر ۲ امتيازونو په توپير ماتې ورکړه او اتلولي يې وگټله او همدارنگه ۱۵ تنه غوره لوبغاړي ولايتي لوبډلې ته او ۱۵ تنه بيا د دې ولايت ځوانانو لوبډلې ته غوره شول، چې په راتلونکي کې به د ياد ولايت په استازولۍ ملي سياليو کې ولوبېږي.
د ويلو ده، چې دغو سياليو دوې ورځې دوام وکړ او په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
