خوست؛ ځوان زلميانو لوبډلې د صحرا ټېپ بال کرکټ سوپر ليگ لومړي پړاو سياليو اتلولي وگټله
د خوست ولايت د بدني روزنې او سپورټ امريت په همکارۍ د ياد ولايت په مرکز کې د لسو لوبډلو ترمنځ د صحرا ټېپ بال کرکټ سوپر ليگ لومړي پړاو سيالۍ د ځوان زلميانو لوبډلې په اتلولۍ پای ته ورسېدې.
د يادو سياليو پايلوبه د ځوان زلميانو او صحرا بازانو لوبډلو ترمنځ ترسره شوه، ځوان اتلانو لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۴۶ منډو هدف کېښود، صحرا بازانو لوبډلې ياد هدف ترلاسه نه کړ او د ۴۱ منډو په توپير يې ماته ومنله.
دغه سیالۍ چې شاوخوا يوه نيمه مياشت يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته مډالونه او چمتو شوې ډالۍ ورکړل شوې.
