خوست؛ په مرکز متون ښار کې د مطيع الله تراب په نوم د ټېپ بال کرکټ سيالۍ پيل شوې
د خوست ولایت د بدني روزنې او ورزش امريت اړوند ټېپ بال کرکټ فدراسيون د استازولۍ له لوري په مرکز متون ښار کې د ۵۰ لوبډلو ترمنځ د مرحوم مطیع الله تراب په نوم د ټېپ بال کرکټ سيالۍ پيل شوې.
دغه سيالۍ چې دوه مياشتې به دوام وکړي، د پيل لوبه يې د ډينجر او شمسي خېلو لوبډلو ترمنځ وشوه، لومړی توپوهنه ډينجر لوبډلې وکړه او په ټاکلو اتو اورونو کې يې سيالې لوبډلې ته ۱۲۳ منډې هدف کېښود، د لوبې په دويمه پاڼۍ کې شمسي خېلو لوبډله د ياد هدف په پوره کولو کې پاتې راغله او په ۱۹ منډو يې ماتې وخوړه.
