خوست؛ په تڼیو ولسوالۍ کې د ۲۰ لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش امریت اړوند د والیبال فدراسیون د استازولۍ له لوري د تڼيو ولسوالۍ په سینکیو سیمه کې د ۲۰ لوبډلو ترمنځ د والیبال سیالۍ پای ته ورسېدې.
د دغو سیالیو په پایلوبه کې ګلاب لوبډلې خپلې سیالې عجب نور لوبډلې ته د ۲-۰ میدانونو په توپیر ماتې ورکړه او اتلولي یې خپله کړه.
هېره دې نه وي چې دغو سیالیو یوه میاشت دوام وکړ او پای کې غوره لوبډلو او لوبغاړو ته کپونه، مډالونه او ډالۍ ورکړل شوې.
