خوست؛ يعقوبيو صبریو ولسوالۍ کې د ۵۰ لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په يعقوبيو صبریو ولسوالۍ کې د ۵۰ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د سپین غر او اباد خانې لوبډلو ترمنځ ترسره شوه. د لوبې پچه سپین غر لوبډلې وګټله او لومړی یې توپوهنه وکړه، چې په ټاکليو اتو اورونو کې یې د څلورو ویکټو په زيان سره خپلې سیالې لوبډلې ته د ٩٩ منډو هدف وټاکه. اباد خانې لوبډلې ټاکل شوی هدف د درېوو ویکټو په زيان د لوبې په وروستي اور کې پوره کړ او د اوو ویکټو په توپیر یې د یادو سیالیو لومړۍ بریا خپله کړه.
دا سیالۍ د سیمې د ځوانانو لپاره د سالمې تفریح د برابرولو په موخه پیل شوي دي، چې دوې میاشتې به دوام وکړي.
