خوست؛ متون بابا لوبډلې د فوټبال چلينج کپ سیالیو اتلولي وگټله
د خوست ولايت د بدني روزنې او ورزش امريت اړوند د فوټبال فدراسيون د استازولۍ له لوري د مرکز متون ښار په تڼيوال پارک کې د اتو لوبډلو ترمنځ د راتلونکو ولايتي لوبو لپاره د لا ښه چمتو والي په موخه د فوټبال چلينج کپ سيالۍ د متون بابا لوبډلې په اتلولۍ پای ته ورسېدې.
د يادو سياليو په پايلوبه کې متون بابا لوبډلې خپلې سيالې ميچن بابا لوبډلې ته د ۱ پر صفر گول په توپير ماتې ورکړه او اتلولي يې په خپل نوم کړه.
د يادولو وړ ده، چې دغه سيالۍ د ليگ په شکل ترسره شوې او شاوخوا يوه مياشت يې دوام وکړ.
