بلخ کې د لسو لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په مرکز مزار شریف ښار کې د لسو لوبډلو ترمنځ د والیبال سیالۍ د وطن دوستانو لوبډلې په اتلولۍ پای ته ورسېدې.
د دغو سیالیو په پایلوبه کې د وطن دوستانو لوبډلې خپلې سیالې د دهدادي ځوانانو لوبډلې ته د ۰/۱ ميدان په توپير ماتې ورکړه او اتلولي یې وگټله.
د یادو سیالیو موخه د والیبال لوبو ته د ځوانانو هڅول او ترمنځ يې یووالی رامنځته کول وو، چې يوه ورځ يې دوام وکړ.
