بلخ؛ چهار بولک ولسوالۍ کې د ۱۴ لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په چهاربولک ولسوالۍ کې د ۱۴ لوبډلو ترمنځ د والیبال سیالۍ د سپین زر لوبډلې په اتلولي پای ته ورسېدې.
د یادو سیالیو پایلوبه د سپین زر او عامې روغتیا لوبډلو ترمنځ ترسره شوه، چې په پایله کې یې سپین زر لوبډلې د ۳ پر ۲ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغه سیالۍ د والیبال لوبې ته د ودې ورکولو په موخه ترسره شوې، چې یوه شپه یې دوام وکړ.
