بلخ؛ چهاربولک ولسوالۍ کې د شپږو لوبډلو ترمنځ د واليبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په چهاربولک ولسوالۍ کې د شپږو لوبډلو ترمنځ د واليبال شپنۍ سیالۍ د نور آغا لوبډلې په اتلولي پای ته ورسېدې.
د دغو سیالیو پایلوبه کې نورآغا لوبډلې خپلې سیالې اورناغې لوبډلې ته د ۱ پر صفر ميدان په توپیر ماتې ورکړه او اتلولي یې وگټله.
دا سیالۍ ورزش ته د ځوانانو هڅولو په موخه ترسره شوې، چې یوه شپه یې دوام وکړ.
