بلخ؛ چهاربولک ولسوالۍکې د ۴۰ ورزشکارانو ترمنځ د فول رزم سيالۍ ترسره شوې
د بلخ ولايت د بدني روزنې او ورزش رياست اړوند د فول رزم فدراسيون د استازولۍ له لوري د ياد ولايت په چهاربولک ولسوالۍ کې د ۴۰ ورزشکارانو ترمنځ د فول رزم سيالۍ تر سره شوې.
دغه سيالۍ د نويو ځوانانو، ځوانانو او لويانو ورزشکارانو په عمري کټگوريو کې ترسره شوې، چې په پايله کې ۲۰ ورزشکارانو خپلو سيالانو ته په ماتې ورکولو سره برياوې خپلې کړې.
دا سیالۍ ورزش ته د ځوانانو هڅولو په موخه ترسره شوې، چې یوه ورځ یې دوام وکړ.
