بلخ؛ مزار شريف ښار کې د ۱۶۰ چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې فدراسیون د استازولۍ له لوري د ياد ولايت مرکز مزار شريف ښار کې د ۱۶۰ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان د حکم له لوري دوه اخرالاقه اعلان شول، چې لومړی اخرالاق شمس الدين پهلوان او دويم اخرالاق فريد پهلوان د حلال تر دایرې ورسول او د سياليو ګټونکي شول.
دا سیالۍ د مزارشریف د وزلوبې لیګ ته د چاپ اندازانو د چمتووالي په موخه ترسره شوې، چې یوه ورځ یې دوام وکړ.
