بلخ؛ مرکز مزار شریف کې د ۳۵ ورزشکارانو ترمنځ د جمناستیک سیالۍ ترسره شوې
د بلخ ولایت د بدني روزنې او ورزش ریاست اړوند د جمناستیک ملي فدراسیون د استازولۍ له لوري د یاد ولایت په مرکز مزار شریف ښار کې د ۳۵ ورزشکارانو ترمنځ په اکروبات او حلقه سبکونو کې د جمناستيک سیالۍ ترسره شوې.
دغه سیالۍ د تنکیو ځوانانو او د ځوانانو ورزشکارانو په عمري کټګوریو کې ترسره شوې، چې په پایله کې له هرې کټګورۍ درې- درې تنه د اتلولۍ مقامونه خپل کړل او د ډالیو ګټونکي شول.
د یادو سیالیو موخه د جمناستیک ورزش ته وده ورکول او د ځوانانو هڅول و، چې یوه ورځ یې دوام وکړ.
