بلخ؛ مرکز مزار شریف ښار کې د ۵۴ ورزشکارانو ترمنځ د فول رزم سیالۍ ترسره شوې
د بلخ ولایت د بدني روزنې او ورزش ریاست اړوند د فول رزم فدراسیون د استازولۍ له لوري د یاد ولایت په مرکز مزار شریف ښار کې د ۵۴ ورزشکارانو ترمنځ د فول رزم سیالۍ ترسره شوې.
دغه سیالۍ د تنکیو ځوانانو، نویو ځوانانو، ځوانانو او د مشرانو ورزشکارانو په عمري کټګوریو کې ترسره شوې، چې په پایله کې ۲۷ تنه ورزشکارانو بریاوې خپلې کړې.
د یادو سیالیو موخه د فول رزم سیالیو ته وده ورکول او د ورزشکارانو ظرفیت لوړول و، چې یوه ورځ یې دوام وکړ.
د سیالیو په پای کې د بلخ ورزشي ریاست له لوري غوره ورزشکارانو ته چمتو شوې ډالۍ روکړل شوې.
