بلخ؛ شاهین دهدادي لوبډلې د دهدادي ولسوالۍ د فوټبال سیالیو اتلولي وګټله
د بلخ ولایت د دهدادي ولسوالۍ د ۸ غوره لوبډلو ترمنځ د فوټبال سيالۍ، چې د بلخ ولايت د فوټبال فدراسيون له لوري پیل شوې وې، د شاهین دهدادي لوبډلې په اتلولۍ پای ته ورسیدې.
د سیالیو پایلوبه د شاهین دهدادي او هاشمي لوبډلې ترمنځ وه، چې د ۳-۰ په توپیر د شاهین دهدادي لوبډلې په اتلولۍ پای ته ورسېد او هاشمي لوبډلې دویم مقام خپل کړ.
د دې سیالیو موخه د بلخ ولایت د دهدادي ولسوالۍ په کچه د ورزش وده او ورزش ته د ځوانانو هڅول وو.
