بلخ؛ مرکز مزار شریف کې د ۵۰ ورزشکارانو ترمنځ د موی تای ټاکنیزې سیالۍ ترسره شوې
د بلخ ولایت د بدني روزنې او ورزش ریاست اړوند د موی تای ملي فدراسیون د استازولۍ له لوري د یاد ولایت په مرکز مزار شریف کې د ۵۰ ورزشکارانو ترمنځ د نوي ځوانانو، ځوانانو او لویو ورزشکارانو په عمري کټګوریو کې د موی تای ټاکنیزې سیالۍ ترسره شوې.
دغو سیالیو، چې یو ورځ یې دوام وکړ، په پایله کې ۱۲ ورزشکاران د بلخ ولایت موی تای منتخبې لوبډلې ته وټاکل شوه.
د یادو سیالیو موخه د بلخ ولایت منتخبې لوبډلې ته د غوره لوبغاړو موندل و.
د سیالیو په پای کې غوره ورزشکارانو ته مډالونه او د اتلولۍ حکمونه ورکړل شوه.
