بغلان کې د لسو لوبډلو ترمنځ د فوټبال سيالۍ د ميهن لوبډلې په اتلولۍ پای ته ورسېدې
د بغلان ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په مرکز کې د لسو لوبډلو ترمنځ خلکو ته د سالمې تفريح برابرولو او ورزش ته د ودې ورکولو په موخه د فوټبال سيالۍ، چې يوه مياشت مخکې پيل شوې وې، د مهين لوبډلې په اتلولۍ پای ته ورسېدې.
د يادو سياليو پايلوبه د ميهن او پيروزي لوبډلو ترمنځ ترسره شوه، چې په ټاکلي وخت سيالي مساوي پای ته ورسېده، خو په پینالټيانو کې ميهن لوبډلې خپلې سيالې پيروزي لوبډلې ته د ۰/۱ گول په توپير ماتې ورکړه او اتلولي يې خپله کړه.
