بغلان؛ ډنډ غوري ولسوالۍ کې د ٢۴ لوبډلو ترمنځ د ټېپ بال کرېکټ سیالۍ پای ته ورسېدې
د بغلان ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت په ډنډ غوري ولسوالۍ کې د ۲۴ لوبډلو ترمنځ د ټېپ بال کرېکټ سیالۍ د باغ شمال لوبډلې په اتلولي پای ته ورسېدې.
د یادو سیالیو پایلوبه د باغ شمال ځوانانو او چشمه شیر اتلانو ترمنځ ترسره شوه. د لوبې پچه چشمه شیر اتلانو لوبډلې وګټله او لومړی یې توپوهنه وکړه، چې په ټاکلو شپږو اورونو کې یې د شپږو ویکټو په زیان خپلې سیالې لوبډلې ته د ٨٢ منډو هدف وټاکه. باغ شمال ځوانانو لوبډلې ټاکلی هدف د درېیوو ویکټو په زیان پوره کړ او د اوو ویکټو په توپير يې د سیالیو اتلولي وګټله.
دا سیالۍ د د سیمې د ځوانانو لپاره د سالمې تفرېح برابرولو په موخه ترسره شوې، چې یوه میاشت یې دوام وکړ.
