بغلان؛ مرکز پلخمري ښار کې د ۵۰ ورزشکارانو ترمنځ د ځغاستې سیالې ترسره شوې
د بغلان ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري د یاد ولایت په مرکز کې د ۵۰ ورزشکارانو ترمنځ د تنکیو ځوانانو، ځوانانو او د لویانو ورزشکارانو په عمري کټګوریو او له ۱۰۰- ۵۰۰ متري واټن کې د ځغاستې سیالۍ ترسره شوې.
د دغو سیالیو په پایله کې ۱۰ تنو ورزشکارانو د زیاتو امتیازونو په ترلاسه سره لومړي مقامونه او د بغلان ولایت د خغاستې منتخبې لوبډلې غړیتوب یې ترلاسه کړ.
د یادو سیالیو موخه د بغلان د ځغاستې منتخبې لوبډلې ته د غوره ورزشکارانو موندل و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
