بغلان؛ مرکزي بغلان ولسوالۍ کې د ۳۲ کورشکارانو ترمنځ د کورش سیالۍ ترسره شوې
د بغلان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په مرکزي بغلان ولسوالۍ کې له مرکز او ولسوالیو د ۳۲ کورشکارانو ترمنځ د کورش سیالۍ ترسره شوې، چې یوه ورځ یې دوام وکړ.
د دغو سیالیو په پایله کې ۱۶ کورشکارانو خپلو سیالانو ته په ماتې ورکولو سره بریاوې او لومړي مقامونه یې خپل کړل.
د یادو سیالیو موخه د کورش ورزش ته وده ورکول او د ځوانانو هڅول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
