بغلان؛ برکه ولسوالۍ کې د ۱۸ لوبډلو ترمنځ د والیبال سیالۍ پای ته ورسېدې
د بغلان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په برکه ولسوالۍ کې د ۱۸ لوبډلو ترمنځ د والیبال سیالۍ پای ته ورسېدې.
د دغو سیالیو په پایلوبه کې برکه لوبډلې خپلې سیالې فلول لېسې والیبال لوبډلې ته د ۳/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول، د ځوانانو ترمنځ یووالی رامنځته کول، د غوره استعدادونو موندل او ورزش ته د لوبغاړو هڅول و، چې درې ورځې یې دوام وکړ.
