بامیانو کې د ۱۱ لوبډلو ترمنځ د والیبال سیالۍ د وحدت ځوانانو لوبډلې په اتلولۍ پای ته ورسېدې
د بامیانو ولایت د بدني روزنې او ورزش امریت اړوند د والیبال فدراسیون د استازولۍ له لوري په یاد ولایت کې د ۱۱ لوبډلو ترمنځ د والیبال سیالۍ، چې دوې اوونۍ وړاندې پيل شوې وې د وحدت ځوانانو لوبډلې په اتلولۍ پای ته ورسېدې.
د دغو سیالیو په پایلوبه کې د وحدت ځوانانو لوبډلې خپلې سیالې هندوکش زمریانو لوبډلې ته د ۳/۲ امتیازونو په توپير ماتې ورکړه او اتلولي یې خپله کړه.
د یادو سیالیو موخه بامیانو ولایت کې د ځوانانو ترمنځ والیبال ورزش ته وده ورکول دي.
