بامیان؛ مرکز کې د ۲۰ ورزشکارانو ترمنځ د لامبو وهلو سیالۍ ترسره شوې
د بامیانو ولایت د بدني روزنې او ورزش امریت اړوند د لامبو وهلو فدراسیون د استازولۍ له لوري د یاد ولایت مرکز ښار په ککرک لامبو وهلو حوض کې د ۲۰ ورزشکارانو ترمنځ د لامبو وهلو سیالۍ ترسره شوې.
دغه سیالۍ، چې د ځوانانو په عمري کټګورۍ کې ترسره شوې په پایله کې عبدالعلي لومړی، محمد اصف دویم او جلیل درېیم مقام ترلاسه کړ.
د یادو سیالیو موخه د لامبو وهلو سیالیو ته وده ورکول و.
د سیالیو په پای کې د بامیانو ورزشي امریت له لوري غوره لوبغاړو ته نغدي ډالۍ ورکړل شوې.
