بادغیس کې د ۱۲ لوبډلو ترمنځ د فوټسال سیالۍ د یاران لوبډلې په اتلولۍ پای ته ورسېدې
د بادغیس ولایت د بدني روزنې او ورزش امریت اړوند د فوټبال فدراسیون د استازولۍ له لوري په یاد ولایت کې د ځوانانو د یووالي په نوم د ۱۲ لوبډلو ترمنځ د فوټسال ګروپي سیالۍ، چې یوه میاشت مخکې پیل شوې وې د یاران لوبډلې په اتلولۍ پای ته ورسېدې.
د دغو سیالیو په پایلوبه کې یاران لوبډلې خپلې سیالې ابو مسلم لوبډلې ته د ۳/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅول او د ورزشکارانو ترمنځ یووالی رامنځته کول و.
د سیالیو په پای کې د ورزش مسوولینو له لوري غوره لوبډلې ته یو پسه او دویم مقام ګټونکي لوبډلې ته چمتو شوې ډالۍ ورکړل شوې
