بادغيس: د ورزشي سياليو له لارې د پوليو واکسين تطبيق په اړه خلکو ته پوهاوى ورکړل شو
د بادغیس ولايت پهلواني فدراسیون د ورزشي امریت په مرسته په دې ولایت کې د يونيسف ولايتي څانګې په ملاتړ د پوليو ( ماشومان فلج) واکسين په اړه د خلکو پوهاوي او تطبيق په موخه تېره ورځ د چنګاښ په ٣١نېټه د پهلواني سيالۍ ترسره کړلې.
په دې ورزشي پروګرام کې د اا مسؤلينو، د يونيسف دفتر استازي، په بادغيس ولايت کې د عامي روغتيا رياست استازي او د پهلواني ورزشي رشتې ګڼو مينه والو ګډون درلود او په دې مراسمو کې ګډون کوونکي ورزشکاران يې تشويق کړل.
