الفت استقلال لوبډلې د کندهار فوټبال غوره ليگ سياليو اتلولي وگټله
د کندهار ولايت په مرکز احمد شاهي لوبغالي کې د لسو لوبډلو ترمنځ د کندهار فوټبال غوره ليگ سيالۍ، د الفت استقلال لوبډلې په اتلولۍ پای ته ورسېدې.
د يادو سياليو په پايلوبه کې الف استقلال لوبډلې خپلې سيالې کندهار لوبډلې ته د ۰/۶ گولونو په توپير ماتې ورکړه او اتلولي يې خپله کړه.
ياده دې وي، چې د دغو سياليو غوره گول وهونکي ذين الله او بلال احمد، چې هر يو ۱۳- ۱۳ گولونه وهلي وو، غوره گول ساتونکی قدرت الله خاکسار او غوره لوبغاړی بيا سيد راميز ونومول شول.
