افغان فوټسال لوبډلې د ایران لوبډلې پر وړاندې ماتې وخوړه
د افغانستان فوټسال ملي لوبډلې د برازیل فوټسال څلور اړخیزو نړۍوالو دوستانه سیالیو پردوام، خپله وروستۍ لوبه له ایران هېواد سره وکړه، چې د ۴ – ۳ ګولونو په توپیر یې د ایران پر وړاندې ماتې وخوړه.
په دغه سیالۍ کې د افغانستان په ګټه اکبر کاظمي دوه ګولونه او حسین محمدي یو ګول وواهه.
د افغانستان فوټسال ملي لوبډله په لومړي ځل د برازیل هېواد په کوربهتوب څلوراړخیزو دوستانه نړۍوالو سیالیو کې ګډون وکړ، چې د ایران او برازیل ِفوټسال لوبډلو پر وړاندې سیالۍ بایلودې او د ګرینلنډ فوټسال لوبدلې ته يې ماتې ورکړه.
افغان لوبډله به په دغو سیالیو کې د درېیم مقام لپاره له ګرینلنډ هېواد سره نن ماسپښین د کابل پر وخت درې بجې لوبه ترسره کړي.
