افغان فوټبال ملي لوبډلې له سوریې ماتې وخوړه
افغان فوټبال ملي لوبډلې د ٢٠٢٧ فوټبال اسیا جام سیالیو ته د لار موندنې په موخه، خپله دویمه لوبه سوریې ته د ٠ - ١ ګول په توپیر بایلوده.
دغه سیالي چې د سوریې په کوربتوب په سعودي عربستان کې ترسره شوه، د لیدو لپاره یې د ورزش ادارې عمومي رئیس مولوي احمدالله وثیق او مرستیال حافظ احمد جان ځدراڼ هم ورغلي وو.
افغانستان به راتلونکې سیالۍ کې د پاکستان پر وړاندې د روان میلادي کال د اکتوبر میاشتې پر نهمه د سیالۍ ډګر ته ښکته شي.
د ویلو ده، چې د ٢٠٢٧ فوټبال اسیا جام سیالیو ته د لار موندنې درېيم پړاو سیالۍ د روان میلادي کال د مارچ پر ٢٥مه پیل او د ٢٠٢٦ د مارچ پر ٣١مه به پای ته ورسېږي.
