ارزگان؛ خاص ارزگان ولسوالۍ کې د پنځو لوبډلو ترمنځ د ټېپ بال کرېکټ سيالۍ پای ته ورسېدې
د ارزگان ولايت د بدني روزنې او ورزش آمريت په همغږۍ، د ټېپ بال کرېکټ فدراسيون د استازولۍ له لوري د ياد ولايت په خاص ارزگان ولسوالۍ کې د پنځو لوبډلو ترمنځ د ټېپ بال کرېکټ سيالۍ د سپرسټار لوبډلې په اتلولۍ پای ته ورسېدې.
د يادو سياليو پايلوبه د سپرسټار او اريانا افغان لوبډلو ترمنځ وشوه، د لوبې پچه اريانا افغان لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې د ۷ لوبغاړو په سوځېدو سره خپلې سيالې لوبډلې ته د ۸۳ منډو هدف کېښود، په ځواب کې سپرسټار لوبډلې ياد هدف په ۷م اور کې ترلاسه کړ او لوبه يې د ۷ ويکټو په توپير وگټله.
دا سيالۍ ورزش ته د ځوانانو د هڅولو په موخه وشوې او ۱۲ ورځې يې دوام وکړ.
